Ministrja e Shëndetësisë, Ogerta Manastirliu ka njoftuar se në 24 orët efundit janë kryer 11.073 vaksinime në vendin tonë. Numri total i të vaksinuarve në vendin tonë ka shkuar në 596.766.
#VaksinimiNukNdalet💪🏼#ShqipëriaBuzëqesh🌼 pic.twitter.com/2K6MG9YRJQ
— Ogerta Manastirliu (@GManastirliu) May 8, 2021
Vaksinimi masiv në vend vijon prej më shumë se një muaji dhe efektet kanë filluar të ndjehen, duke parë uljen e numrit të infeksioneve ditore dhe fataliteteve.
Kujtojmë se gjatë ditëve të fundit numri i infektimeve në vendin tonë ka rënë ndjeshëm po ashtu edhe numri i të shtruarve në spitale ka rënë ndjeshëm. Kujtojmë se vaksinën anti-COVID e kanë marrë të moshuarit, uniformat blu, gazetarët e terrenit dhe operatorët publiik. Së shpejti është njoftuar se do të vaksinohet edhe punonjësit e transportit publik.
Gjithashtu është hapur edhe faqa plus 60 dhe e të sëmurëve kronik.
Po ashtu Ministria e Shëndetësisë, Ogerta Manstirliu tha se në të gjitha spitalet COVID në vendin tonë janë 111 persona të shtruar. Manastirliu tha se Shqipëria ka një ulje të incidencës së rasteve të reja të COVID, ndërsa vaksinimi po jep efektet e para.
“Shqipëria sot radhitet ndër vendet me ritëm shumë të mirë të vaksinimit. Jemi në të njëjtin ritëm me vendet e BE-së. Vaksinimi vijon me ritme të larta në të gjitha vendet e Shqipërisë. Vendi ynë ka dalë nga zona e rriskut, krahasuar me të gjitha vendet e Rajonit dhe të Europës. Vijon incidenca të mbetet e ulët, kemi një rënie të pozitivetit total sipas javëve. Numri i pacientëve në spitale është i ulët. 111 të shtruar në të gjitha spitalet Covid”, tha fillimisht Manastirliu.
