Ditën e sotme kanë dalë para gjykatës tre të akuzuarit për vrasjen e të riut, duke e mbytur me litar e më pas duke e hedhur në rezervuarin e Maliqit.
Bleti Angjos, kunati i njërit prej të arrestuarve, ka deklaruar për Neës24 se herën e fundit që ka komunikuar me të, ka qenë i qetë. Ai shpjegon se sherri filloi për një vajzë dhe më pas çoi në vrasjen tragjike të 26-vjeçarit Martin Çeço, në Kolanec të Korçës.
“Ka 45 ditë që kunatin e kam çuar në Marjanë tek Valter Mollaj(tjetër autor i dyshuar), dëgjova nga media për këtë krim, që është bërë krim, por që të jetë i implikuar kunati im veç nëse e kanë marrë ata me makinë.
Ai merrej gjithmonë me bagëti. Valteri disponon një makinë me karroceri. Në datën 14 unë kisha në shpi Valterin, ndërkohë që ishte me ne dhe nuk na tha asnjë gjë,kur doli më media që krimi ishte kryer në datën 12-13.
Shumë gjakftohtë nuk ishte,vetëm 5 minuta qëndroi. Ne nuk na vajti në mëndje për këtë punë vetëm në media u njoftuam,mbetëm të habitur. Kur komunikuam herën e fundit me kunatin nuk ishte i qetë”, tha ai.
Kujtojmë se 26-vjecari Martin Çeço u gjet disa kohë më parë i mbytur në rezervuarin e fshatit Kolanec në Maliq të Korçës. Ai ishte shpallur i zhdukur nga familjarët dhe gjatë kërkimeve është bërë gjetja e trupit të tij të pajetë. Çeço kishte njohje me një vajzë me të cilën komunikonte vazhdimisht, për këtë autorët i kanë kërkuar të riut të mos e vazhdojë këtë lidhje, por 26-vjeçari nuk e ka ndërprerë. Ndërkohë viktima njihej si person i qetë që nuk lëvizte nga fshati, por merrej vetëm me prerje të lëndës drusore bashkë me babain. Ka qenë motra e 26-vjeçarit e cila jeton në kryeqytet ajo që ka detyruar babain të denoncojë zhdukjen e djalit.
