Procesi zgjedhor në Kosovë u përmbyll me një pjesëmarrje të lartë votuesish, teksa së shpejti pritet të nis edhe numërimi i votave. Ndërkohë, në media janë publikuar edhe Exit Poll-et e para. Lëvizja Vetëvendosje kryeson ndjeshëm me rreth 44% të votave, ndërkohë që ndiqet nga PDK me mbi 18%. LDK ndodhet në vendin e tretë me rreth 14 % ndërsa AAK ka mbi 10%.
Lëvizja Vetëvendosje ishte e favorizuar që para zgjedhjeve. Partia e Kurtit shihej si favorite për të fituar, ndërsa edhe Exit Poll-et tregojnë të njëjtën gjë. Ndërkohë, LVV këkron që të marrë mbi 50% të votave në mënyrë që të formojë qeverinë e vetme, pa u detyruar të futet në koalicion.
Nga ana tjetër, në zyrat e Vetëvendosjes nuk kanë pritur as të fillojë numërimi. Festa ka filluar që pas Exit Poll-eve që e nxjerrin fituese. Para selsië së LVV në Prishtinë janë hedhur fishekzjarre nga mbështeteësit.
Exit Poll-i që e nxjerr Vetëvendosjen me rezultatin më të ulët është ai i PIPO që sugjeron se partia e Albin Kurtit merr mbi 41% të votave, sërish duke u renditur e para. Ndërkohë ka pasur sondazhe që e nxjerrin LVV fituese me mbi 50% të votave, gjë që do të thotë se mund ta formojë qeverinë e vetme. Teksa pritet deklarata zyrtare e KQZ, paraprakisht bëhet e ditur se në votime kanë marrë pjesë 834 mijë qytetarë
