Dalin detaje të reja, kush ishte “problemi familjar” i Naim Murselit

Shaban Murseli, babai i Naim Murselit, ka ofruar dëshmi para hetuesisë duke treguar se ishte në dijeni për një problem familjar të djalit të tij, i cili kishte ndodhur një vit më parë se vrasja e Liridona Ademajt. Në dëshmi para Policisë së Kosovës më 1 dhjetor të vitit të kaluar, Shaban Murseli ka përmendur një rast ku djali i tij ishte përfshirë me djalin e hallës së tij, K. Kokallën, vëllain e Kushtrim Kokallës, të dyshuar për përfshirje në vrasjen e Liridona Ademajt. Mesazhet e shkëmbyera nga Naim Murseli me gruan e Kushtrim Kokallës ishin bërë çështje në familjen Murseli. Shaban Murseli ka thënë se çështja familjare ishte përfunduar pas takimit të Naimit dhe Liridonës me vëllain e Kushtrim Kokallës dhe bashkëshorten e tij. Megjithatë, ai ka theksuar se këtë ngjarje ka rënduar marrëdhëniet mes tij dhe Naimit. Naim Murseli ka shtuar se kishte ndarë me gruan pas ngjarjes dhe ka treguar se ky problem familjar ka pasuar tensione të mëdha në martesën e tyre.