Në prag të ndeshjes së shumëpritur Shqipëri–Serbi, ish-kapiteni i kombëtares kuqezi, Mërgim Mavraj, ka dhënë një mesazh të qartë dhe të fortë për lojtarët shqiptarë: të fokusohen vetëm te futbolli dhe të lënë pas çdo ngarkesë historike.
“Çuna, lufta ka mbaruar! Kosova është e jona përgjithmonë. Tani luajmë futboll,” ka shkruar Mavraj në rrjetet sociale, duke bërë apel për qetësi, profesionalizëm dhe përqendrim maksimal në fushë.
Ish-mbrojtësi ka nënvizuar gjithashtu ndjenjën e përkatësisë dhe unitetit kombëtar.
Shqipëria do të zbresë në fushë sot në orën 20:45 në “Arenën Kombëtare” për ndeshjen e vlefshme për kualifikueset e Kampionatit Botëror 2026.
Fatkeqësisht, këtë vit ndeshja është shndërruar në një pasqyrë të qartë të keqmenaxhimit, interesave të fshehta dhe përjashtimit sistematik të atyre që duan më shumë këtë ekip: tifozëve. (Lexo këtu)
