Koronavirusi duket se ka bërë bashkë politikën, teksa në disa vende qeveria dhe opozita janë duke bashkëpunuar në të mirë të përballimit të situatës.
Madje, së fundmi mediat e huaja shkruajnë se kryeministri i Izraelit, Benjamin Netanyahu, ka arritur një marrëveshje me rivalin Benny Gantz për të formuar një “qeveri uniteti”, e cila do t’i japë fund një viti bllokimi politik.
Edhe në vendin tonë duket se politika ka rënë në qetësi, teksa është vënë re një bashkëpunim dhe frymë pozitive mes kryeministrit dhe presidentit, i cili para një muaji organizoi një tubim kundër qeverisë.
“Pranvera kuqezi”: Meta ulet në gjunjë! Ja personat që mbajtën fjalën e tyre në manifestim
Madje ditën e sotme kreu i qeverisë falenderoi publikisht Metën duke thënë se është bërë një me popullin.
Mirëpo, gazetari investigative Artan Hoxha mendon se , atmosfera politike ka një javë që është bërë më e mjegullt se kurrë.
Gazetari shkruan në Facebook se diçka po zien nën rrogoz, teksa u drejtohet politikanëve “vetëm aman, aman mos na bëni ndonjë surprizë të pabërë, nga ato qe dini të bëni vetëm ju, jo për gje por nuk na mban as zemra, as nervat.”
Shkrimi i Artan Hoxhës:
“Ndersa ajri mbi kryeqytet, per shkak te karantinimit dhe koronavirusit eshte pastruar si asnjehere me pare , atmosfera politike ka ndonje jave qe eshte bere me e mjegullt se kurre!!!
Paqartesi e qarte aty lart, qe krijon peshtjellim andej poshte.
Nga qeveria, I MADHI, ushtria e rrjeteve sociale nen hyqmin e tyre nuk po duket asnje sulm, asnje akuze, more asnje ironi e vogel per be, ne adrese te presidentit Meta!!!
E njejta gje dhe nga ana tjeter. Kane heshtur si me magji, kryekomandanti, shtabi i tij presidencial, more po ska asnje cicerime as nga zyra e shtypit e tij, kunder kryeministrit kryediktator, kunder grushtit te shtetit ndaj kushtetutes, kunder kapjes se Ramaformes.
More me ka marre malli per nje status vence, nga ato dritherueset e Tit Vasilit!!! Rilindasve hazerxhevap, ne qeveri dhe ne parlament, duket sikur u eshte lagur baruti dhe topin qe qellonin presidencen e ka mbuluar guna e lagur e Tedi Blushit!!! Ore cfare behet keshtu?! C’eshte gjithe kjo dashuri ne kohe koronavirusi?! Ku vajti gjithe ajo urrejtje, beteje finale, lufte kunder narkoshtetit dhe palopresidentit!!
Ndersa gjitonet e Bulevardit “Deshmoret e Kombit”, kryeministri-presidence, po shijojne karantinen duke mos respektuar distancen e afrimit fizik, lideri opozites, Lulezim Basha, i ka marre aq seriozisht masat e izolimit, sa eshte mbyllur ne vilen e tij dhe nuk shfaqet as ne orarin e qarkullimit te pensionisteve, dhe as ne orarin e qarkullimit te nenave me femije…
Cudi e madhe, dicka po zien nen rrogoz.
Vetem aman, aman mos na beni ndonje surprize te pabere, nga ato qe dini te beni vetem ju, jo per gje por nuk na mban as zemra, as nervat…
Per hajer na dalte!!”
