Kjo ka qenë një javë ndryshimesh në look për vajzat e showbiz-it shqiptar.
Dafina Zeqiri i preu shkurt dhe i bëri bjonde brenda dy ditëve.
Tuna i bëri të stërgjata…
E kuptojmë që është fillim vere dhe sigurisht, ku ka më mirë se të rifreskosh look-un për t’u ndier një njeri i ri dhe më i mirë.
Por duket se edhe Klea Huta, vajza që nuk ndryshon kurrë look, ka ndërmend të bëjë një ndryshim drastik në pamjen e jashtme.
E kemi parë gjithmonë me flokë të gjatë, të drejtë dhe gështenjë, por Klea duket se ka vendosur t’i nënshtrohet një shndërrimi rrënjësor, pasi po pyet fansat në Instagram sesi i shkojnë më tepër: të kuqe, të kuqe me baluke apo bjonde me baluke.
Klea është nga ato vajza që janë rritur në ekran, por asnjëherë më parë s’e kemi parë të ndryshojë ngjyrën dhe madje edhe modelin e flokëve e ndryshon shumë rrallë.
Maksimumi i ndryshimit që kemi vënë re në look-un e saj, ka qenë kalimi nga flokët e gjatë, tek flokët e gjatë të kapur.
Siç nuk ka krijuar komente me eksperimente ekstravagante në look, ashtu Klea është treguar gjithmonë e rezervuar edhe sa i takon jetës së saj private. Megjithatë, konfirmimi publikisht i lidhjes me Elgit Dodën, duket se po shfaq një anë të panjohur më parë nga publiku të Kleas.
Pak ditë më parë, ajo postoi në Instagram një video shumë romantike me disa nga momentet më të bukura krah partnerit të saj tashmë prej më shumë se dy vitesh.
