Mbingarkesa e madhe tek katër spitalet e Infektivit në Tiranë, krijoi nevojën e hapjes së dy spitaleve të reja të infektivit në Shkodër dhe Durrës.
Pa u mbushur ende 48 orë nga hapja e pavionit të ri anticovid, reaprti i Durrësit u tejmbush me pacientë të infektuar.
Mbingarkesa ka bërë që shërbim të marrin të parët ata që kanë nëvojë për oksigjen. Prej fluksit që vijon të mbetet i lartë, po shihet mundësia e zgjerimit dhe në ambientet e tjera, siç është ambient ii ri tek godina e Pediatrisë.
Pas spitalit rajonal të Durrësit dhe Shkodrës, sipas strategjisë së vjeshtë-dimrit, do të vijojet me hapjen e spitaleve të Korçës, Vlorës, Elbasanit, me një kapacitet nga 430-630 shtretër dhe më pas, do të vijohet sipas skenarëve të spitaleve rajonale.
Janë 1600 shtretër të dedikuar COVID, në skenarët e parashikuar nga Ministria e Shëndetësisë.
Deri para hapjes së reparteve të reja në Shkodër e Durrës, rastet urgjentë të rretheve dërgoheshin te urgjenca infektive në Tiranë. Madje u lajmërua dhe për një tejmbushje të “Shefqet Ndroqit”.
Por ministrja e shëndetësisë, Orgeta Manastriliu ka mohuar këto dyshime, duke thënë se në 4 spitalet e Covid në Tiranë ka ende shtretër të lirë.
“Nuk janë ezauruar shtretërit në të 4 spitalet COVID. Përkundrazi, ka gjithmonë kapacitetete dhe gjithmonë vende të lira. Spitalet COVID, kanë disponibilitet ka 550 shtretër dhe kemi vendosur edhe shtretër ekstra, duke e çuar numrin në 600.”, është shprehur Manastirliu.
