Greqia ka humbur sot jetën e 63 personave në luftën me Covid-19 në 24 orëve të fundit. Ndërkaq, janë regjistruar 2422 raste të reja me koronavirus
Autoritetet greke janë vënë në alarm pasi vala e dytë e COVID ka goditur shtetin fqinj, ndërkohë që 443 pacientë janë në gjendje të rëndë shëndetësore.
Që nga fillimi i pandemisë në Greqi 78.825 persona janë infektuar me koronavirus, ndërsa prej tyre 1228 kanë humbur jetën. 81.5% e viktimave kanë patur sëmundje bashkëshoqëruese, ose i përkasin grupmoshës mbi 70 vjeç.
Në Greqi qeveria ka vendosur të zbatojë masa shtesë për shkak të rritjes në numrin e rasteve me koronavirusin e ri (COVID-19). Përveç pikës kufitare Promahona në kufirin Greqi-Bullgari të gjitha pikat kufitare (përfshirë pikën kufitare İpsala-Kipi) mbahen të mbyllura në orët 23.00-07.00 . Duke filluar nga data 13 nëntori, lëvizja e qytetarëve është e ndaluar në të gjithë vendin nga ora 21:00 deri në orën 05:00. Përjashtim nga ky urdhër strikt do të bëjnë emergjencat, plotësimi i nevojave të domosdoshme edhe puna. Punëtoret do të duhet të plotësojnë formularin përkatës në mënyrë që të lëvizin edhe gjatë orarit të ndaluar .
/Gazetareforma.com/
