Sistemi shëndetësor në Portugali ndodhet tashmë prej ditësh në ngërç, pasi presonat e rezultuar positiv me Covid kanë tejmbushur spitalet.
Menjëherë në ndihmë i ka ardhur shteti austriak, ku pritet të dërgohen për trajtim me dhjetra pacientë. “Këto janë gjeste të rëndësishme të solidaritetit europian, por simbolike në betejën kundër pandemisë. Oferta e qeverisë austriake u paraqit në një komision që bashkonte specialistë në mjekësinë intensive”, theksoi Ministria e Shëndetësisë.
Një tjetër shtet që ardhur në ndihmë Portugalisë është dhe Gjermania. Ky shtet ka dërguar një ekip me 26 mjekë dhe infermierë, që do të kenë në ngarkim një njësi të kujdesit intesiv të pajisur me tetë shtretër në një spital privat në Lisbonë.
Lidhur me mbushjen e spitaleve jashtë kapacitetit normal, foli dhe mjeku, Jose Artur Paiva, shefi i njësisë së kujdesit intensiv të spitalit Sao Joao në Porto.
“Transferimi i pacientëve jashtë duhet të bëhet vetëm si një mundësi e fundit”, theksoi mjeku.
Kujtojmë se ky vend regjistroi një rritje të numrit të pacientëve të shtruar në kujdes intensiv, që arriti në mbi 900 për herë të parë që nga fillimi i pandemisë.
Në sajë të një kufizimi të përgjithshëm të dekretuar tre javë më parë, ritmi i infektimeve ditore ka pësuar rënie të lehtë këtë javë, me rreth 7 000 raste të reja.
