Greqia po përballet me shifra të larta të infektuarish për shkak të COVID-19 dhe varianteve të reja që janë në qarkullim. Kujtojmë se disa ditë më parë në Greqi u regjistruar disa raste me variantin e ri të quajtur “MU”, po ashtu varianti “Delta” është i pranishëm gjerësisht në vend.
Ditën e sotme zv.ministrja e Shëndetësisë, Mina Gaga ka bërë me dije se në ato vende ku do të shihet përhapje masive e virusit do të merren menjëherë masa. Ndër të tjera ajo ka thënë se Greqia do të ndjekë strategjinë e mbylljes së shkollave në rast se sheh shpërthime të COVID-19.
“Ne fillojmë me masa shumë të kujdesshme. Ne do të jemi në krye (të situatës), do të monitorojmë. Protokolli është i rreptë. Nëse ka një shpërthim, shkolla do të mbyllet. Do të shohim, “tha zv.ministrja.
Ndër të tjera Dr.Gaga ka theksuar se Greqia nuk ka për të detyruar asnjë nxënës mbi 12 vjeç të vaksinohet edhe pse rekomandimi thotë të kundërtën. Ajo ka thënë se nuk do t’i detyrojnë fëmijët të vaksinohen, pavarësisht se e rekomandojnë atë.
“Ne fillojmë me masa shumë të rrepta. Ekziston një rekomandim i fortë për vaksinim (për studentët e moshës 12 vjeç e lart), por nuk do t’i detyrojmë fëmijët të vaksinohen, pavarësisht se e rekomandojnë atë, “tha Gaga.
