Koronavirusi është kthyer me gjithë agresivitetin e tij në shtetet e Europës, madje shifra të larta po raportohen edhe në vende që u duk sikur e kishin nën kontroll pandeminë.
Shteti europian që në pranverë e kishte tërhequr vëmendjen e tërë botës me masat e lehta kundër pandemisë, ka regjistruar një shifër rekorde të infeksioneve të premten.
Gjatë 24 orëve të kaluara, në Suedi u regjistruan 5990 raste, që është shifra më e lartë që nga fillimi i pandemisë, shkruan “The Guardian”.
Përpos infektimeve, gjatë kësaj periudhe u regjistruan edhe 42 viktima dhe numri i përgjithshëm i të vdekurve shkoi në 6.164.
Shkalla e vdekshmërisë nga pandemia në Suedi për numër të banorëve është disa herë më e lartë se shifrat e regjistruara në vendet fqinje të Skandinavisë.
Ndryshe nga shtetet tjera, Suedia në pranverë kishte qasje tjetër ndaj pandemisë, duke mos i mbyllur bizneset dhe duke mos vendosur orë policore.
/GazetaReforma.com/
