Ministria e Shëndetësisë dhe Mbrojtjes Sociale në daljen e sotme para mediave është shprehur se numri i të infektuarve përgjatë 24 orëve që nga fillimi i pandemisë së COVID-19 në Shqipëri është shtuar me 57 raste.
Dita e sotme ka shënuar rekordin e ri me rastet e infektuara brenda 24 orëve, duke risjellë edhe frikën për një valë të dytë të virusit.
Po ashtu bëhet me dije se janë kryer 362 testime për të dyshuar të prekur me COVID-19, një numër relativisht i lartë.
Kruja ka sot numrin më të lartë të rasteve ditore, pasi janë zbuluar 22 raste, ku 16 prej tyre lidhen me aktivitete biznesi dhe kontakte të tyre.
Përhapja e koronavirusit është dhe në Tiranë me 14 raste, 9 në Vlorë, 8 në Shkodër, 6 në Lushnje, 2 në Pukë, 1 në Durrës, 1 në Fier.
Shumë raste janë kontakte të rasteve të mëparshme, por ka dhe raste të reja për të cilat ka nisur hetimi epidemiologjik.
