Kryeministri Edi Rama, me anë të një postimi në rrjetet sociale ka publikuar kurbën e vaksinimit të COVID-19, ku pasqyrohen të dhënat e ditëve të fundit në rajon dhe Evropë. Rama shkruan se Shqipëria do e fitojë këtë luftë me lidership, organizim , këmbëngulje dhe durim të madh. Ndër të tjera ka shtuar se me vaksinimin masiv që ka nisur vendi, këtë verë do të kemi një sezon turistik të lehtësuar ndjeshëm.
“Ne do ta fitojmë këtë luftë me lidership, organizim, këmbëngulje e durim të madh dhe përmes vaksinimit të pa ndalur masiv, do të kemi një sezon turistik të lehtësuar ndjeshëm.*të dhënat e barometrit global për ritmin e vaksinimit 7 ditët e fundit”, -ka shkruar kryeministri Edi Rama.
https://www.facebook.com/edirama.al/photos/a.10151850199621523/10158669961876523/
Kujtojmë se procesi i vaksinimit vazhdon në sheshin “Skënderbej”, për të moshuarit. Disa ditë më parë vaksinën e kanë marrë edhe gazetarët e terrenit dhe efektivët e policisë. Ndërkohë që ditën e djeshme ministrja e Shëndetësisë, Ogerta Manastirliu njoftoi se javën që vjen do të vinë në Shqipëri vaksina të tjera dhe se po mendohet të nisi vaksinimi i moshës plus 65 dhe ata që janë të sëmur kronik.Ndërkohë që edhe ministri i Turizmit, Blendi Klosi ka njoftuar se do të bëhet i mundur edhe vaksinimi i stafeve të turizmit.
