Pas Gjykatës së Posaçme kundër Krimit dhe Korrupsionit (GJKKO), dhe Gjykatës Apelit në Tiranë, edhe Gjykata e Lartë është mbyllur deri në një afat të dytë. Mësohet se një prej anëtarëve të stafit, ka rezultuar i infektuar me Covid-19.Për këtë arsye edhe marrë vendimi për mbylljen e Gjykatës e Lartë.
Më herët këtë mëngjes Apeli ka vendosur të pezullojë aktivitetin për një periudhë dy javorë sepse një gjyqtar i kësaj gjykate është infektuar nga Covid-19. Vendimi për pezullimin e punës së gjykatës për një afat 15 ditor është marrë ditën e sotme dhe pritet që në ditët në vijim i gjithë stafi i kësaj gjykate, t’i nënshtrohen analizave për të mësuar situatën e të prekurve.
Ndërkohë gjykata dhe një pjesë e stafit do të punojë me orare të reduktuara vetëm për seancat emergjenti si masat e sigurisë, raporton Shqiptarja.com.
Edhe GJKKO ka anuluar 6 seanca të planifikuara për t’u zhvilluar sot, teksa i kanë bërë kërkesë ISHP-së të zhvillojë hetim epidemiologjik. Aktualisht GJKKO ka 9 gjyqtarë, 1 i infektuar me Covid-19, 2 në karantinë teksa 6 të tjerë janë në pritje për të bërë tamponët. Kjo gjykatë u mbyll tre ditë më parë, kur kreu i Gjykatës së Posaçme, Sandër Simoni rezultoi i infektuar me Covid-19.
Tashmë gjykata e Lartë është institucioni gjyqësor i pestë që mbyllet për shkak të Covid-19. Në gjendje pezullimi po qëndrojë dhe Gjykata e Shkallës së Parë Kavajë, Apelit në Durrës dhe Gjykata e Posaçme për Krime të Rënda dhe Korrupsionit.
Ndërkohë 2 viktima të tjera janë shënuar nga COVID-19 në 24 orët e fundit. 117 persona janë të infektuar ndërsa 68 janë shëruar nga koronavirusi. Në 24 orët e fundit ka shtim të pacienteve të shtruar, ku aktualisht janë 85 pacientë në spital, 10 pacientë janë në terapi intensive dhe 4 prej tyre janë të intubuar, në gjendje të rëndë.
