Numri i të infektuarve me koronavirus te ekipet e seria A në Itali vijon të rritet çdo ditë e më shumë.
Kjo pasi futbollisti Ionut Radu ka rezultuar pozitiv, duke e çuar në pesë numrin e të infektuarve te ekipi i Interit. Më parë janë konfirmuar pozitiv Nainggolan, Gagliardini, Bastoni, dhe Skriniar, ndërkohë kontrollet e mëtejshme janë planifikuar për nesër”, njofton klubi i Interit.
Italia U21 është kthyer në një “vatër” të COVID-19, pasi është infektuar edhe mbrojtësi i Milanit Matteo Gabia (veç tij edhe Alessandro Plizzari dhe një pjesëtar i stafit kanë dalë pozitivë sot).
Kështu derbi i Milanos vihet në rrezik, pasi numri i të infektuarve në të dyja skuadrat është rritur. Te Milani janë edhe Zlatan Ibrahimovic dhe Leo Duarte që pas testeve të fundit kanë rezultuar sërish pozitivë dhe tani në listë u është shtuar edhe Gabbia.
