Duket se pasojat e pandemisë së koronavirusit do shkaktojnë probleme dhe kriza në fusha të ndryshme në të gjithë botën.
Kështu, për herë të parë çmimi i naftës në SHBA ka rënë nën zero për një fuçi, pasi “zbarkimi i Coivid-19” në pothuajse çdo shtet e ka zhdukur thuajse plotësisht kërkesën, duke bërë që në shumë vende të botës, si dhe në SHBA të ketë rezerva të mëdha të pashfrytëzuara, teksa qindra-miliona njerëz qëndrojnë të izoluar në shtëpitë e tyre.
Nafta është aq e lirë sa prodhuesit po u paguajnë rezervave për të hequr fuçitë nga duart e tyre dhe tashmë çmimi për një fuçi nafte ka shkuar në minus, raporton CNN.
Sipas prestigjiozes britanike, çmimi ka shkuar në -1.43 dollarë, që do të thotë se prodhuesi paguan për heqjen e fuçive të naftës nga duart në këtë moment.
Kjo situatë nuk është parë që nga viti 1983, teksa përgjatë viteve të ndryshme nga 140 dollarë që ka qenë në maksimum, çmimi ka zbritur deri në 40, por asnjëherë në minus.
Në Shqipëri ulja deri tani është shumë e vogël, pasi nuk lidhet me ata që blejnë sot, sepse e hedhin në treg pas 2 muajsh, por duhet të kemi parasysh që për një litër në vendin tonë 100-110 lekë janë taksa.
