Organizata Botërore e Shëndetësisë (OBSH) ka shprehur shqetësimin për rritjen e numrit të të infektuarve me Covid-19 në Evropë.
Drejtori rajonal i OBSH-së, Hans Kluge paralajmëroi për BBC-Në se rreth 500,000 vdekje mund të regjistrohen deri në muajin mars, nëse nuk ndërmerren veprime urgjente.
Paralajmërimi i tij pasoi njoftimet e Çekisë dhe Sllovakisë për numër rekord të rasteve të reja me COVID-19.
Edhe vende tjera evropiane kanë raportuar për përkeqësim të situatës me pandeminë.
“Janë në numër faktorësh që kanë ndikuar në këtë përfshirë vaksinimin e pamjaftueshëm, sezonin e dimrit dhe dominimin rajonal të variantit shumë të transmetueshëm Delta” u shpreh Kluge.
Më parë gjatë javës, Austria ka njoftuar një bllokim kombëtar duke filluar nga 22 nëntori.
Kancelari Alexander Schallenberg tha se karantina do të zgjasë maksimumi 20 ditë dhe do të ketë një kërkesë ligjore për t’u vaksinuar nga 1 shkurti 2022, shkruan BBC.Kjo është një përgjigjje ndaj numrit rekord të rasteve dhe një prej niveleve më të ulëta të vaksinimit në Evropën Perëndimore.
Ndërsa vende si Republika Çeke dhe Sllovakia kanë thënë se po vendosin kufizime të reja ndaj njerëzve që nuk janë të vaksinuar
Javën e kaluar Holanda vendosi një bllokim të pjesshëm tre-javor për të parandaluar përhapjen e COVID-19 pasi gjatë periudhës së fundit është shënuar rritje e rasteve të reja me koronavirus.
