Situata epidemiologjike në vendin tonë duket se po shkon drejt përmirësimit. Gjatë 24 orëve të fundit në vendin tonë u regjistruan dy raste të reja dhe nuk u raportua asnjë humbje jete nga COVID-19. Në total në vendin tonë janë aktiv aktualisht me COVID-19, 52 pacientë, gjithashtu Ministria e Shëndetësisë iu ka bërë thirrje qytetarëve që të mos e humbasin vigjilencën por të kujdesen për shëndetin e tyre. Mjeku epidemiolog, Ilir Alimehmeti me anë të një postimi në rrjetet sociale ka treguar lidhur me situatën epidemiologjike në vendin tonë. Alimehmeti shkruan se situata paraqitet pozitive.
Ai thotë se Shqipëria ndodhet në situatën më të mirë për sa i përket pandemisë dhe e njëjta gjë është afërsisht dhe në vendet e tjerë nga vijnë turistët dhe emigrantët shqiptarë. Gjithashtu mjeku ka bërë thirrje që qytetarët le t’i gëzohen diellit, detit dhe motin të mirë që ka vendi jonë.
“Shqipëria në mënyrë absolute në situatën më të mirë të mundshme! Rritje rastesh e fortë në Angli, Spanje dhe Rusi! Shtetet e tjera nga ku zakonisht vijnë turistët dhe emigrantët shqiptare (përjashtuar Anglinë) janë në situatë shumë të qetë! Për sa kohe situata nuk tregon shenja rritje as në shtetet prane nesh, le t’i gëzohemi diellit, detit dhe motit tonë të mrekullueshëm”, shkruan epidemiologu i njohur, Ilir Alimehmeti në postimin e tij në rrjetet sociale.
