Numri i rasteve me koronavirus në 24 orët e fundit në Kosovë ka pësuar një rritje të lehtë në krahasim me ditën e djeshme. Nga 11.472 testime të kryera kanë rezultuar pozitiv me virusin 1 mijë e 383 qytetarë, ndërkohë që gjatë ditës së djeshme ishin vetëm 932 raste të reja.
Gjatë 24 orëve të fundit kanë humbur jetën 26 qytetarë të cilët nuk kanë mundur të luftojnë betejën me virusin e rrezikshëm. Sot janë shëruar 996 qytetarë, ndërsa numri i përgjithshëm i të shëruarve është 115.657.
Kështu është bërë e ditur nga Ministria e Shëndetësisë.
Instituti Kombëtar i Shëndetit Publik të Kosovës u ka bërë thirrje qytetarëve të respektojnë distancën, të mbajnë maskën mbrojtëse dhe të ruajnë higjenën.
Njoftimi i MSH’së:
31 Gusht 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 17.684 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 825.745 doza të vaksinës.
Deri më sot 276.890 qytetarë janë vaksinuar me dozën e dytë.
Nga 11.472 testime, 1.383 qytetarë kanë rezultuar pozitiv me virusin COVID-19.
Gjatë 24 orëve të fundit, janë shënuar 26 raste të vdekjes.
Sot janë shëruar 996 qytetarë, derisa numri i përgjithshëm i të shëruarve është 115.657.
Në total numri i rasteve aktive është 26.886.
