Ashtu sikurse çdo ditë Ministria e Shëndetësisë së Kosovës ka bërë të ditur bilancin e COVID-19 përgjatë 24 orëve të fundit. Njoftohet se përgjatë 24 orëve të fundit nuk është shënuar asnjë humbje jete. Ndërkohë për sa i përket rasteve të reja nga 398 testime, 1 qytetarë ka rezultuar pozitiv me Covid-19. Vlen të theksojmë se ky është numri më i ulët i infektimeve ditore në Kosovë në raport me testimet.
Në total numri i rasteve aktive është 157.
Njoftimi i Ministrisë së Shëndetësisë së Kosovës:
23 Maj 2022: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 14 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.828.480 doza të vaksinës. Deri më sot 822.844 qytetarë janë vaksinuar me dozën e dytë. Deri më sot janë dhënë 102.570 doza përforcuese dhe doza të treta të vaksinës kundër COVID-19. Nga 398 testime, 1 qytetarë ka rezultuar pozitiv me virusin COVID-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 32 qytetarë, derisa numri i përgjithshëm i të shëruarve është 225.013. Në total numri i rasteve aktive është 157.
Të dhënat e detajuara mund të i gjeni në linkun: https://datastudio.google.com/…/2e546d77…/page/MT0qB
Mbani maskat!
Respektoni distancën!
Mbani higjienën!
