Gjatë 24 orëve të fundit në Itali janë regjistruar 5923 infektime të reja me COVID-19.
Shifrat kanë pësuar një rënie të ndjeshme krahasur me një ditë më parë ku ishin regjistruar 7470 raste infektimesh me Coronavirus.
Edhe pse masat kufizuese janë shtuar dita ditës pothuasje në çdo shtet, përsëri nuk kanë arritur të japin rezultatin e duhur dhe ka pasur gjithashtu një rritje në numrin e personave të infetktuar me Covid.
Bilanci i frikshëm i rasteve të regjistruara çdo ditë në shtetin Italian mendohet se do të dërgojë në shtimin e masave kufizuese të reja.
Kujtojmë se Italia ka qenë një ndër vendet të cilat gjatë pandemisë ka arritur në shifra rekord infektimesh dhe humbje jete krahasuar me vendet e tjera.
Përpos kësaj varianti i ri i coronavirusit ‘Delta’ është përhapur me ritme të shpejta dhe pasojat janë më të rënda në krahasim me efektet e variantit të parë.
Autoritetet shëndetësore në vendin fqinj, shkruajnë se nga krahu tjetër, për fat të keq, 23 qytetarë nuk e kanë fituar betejën me virusin.
E ndërkohë vijon vaksinimi i te gjithë popullatës italiane.
Në repartet e shërbimit intensiv ndodhen aktualisht 472 pacientë të shtruar.
Lajmi i mirë është se gjatë 24 orëve të fundit janë shpallur të shëruar 4382 qytetarë.
