Në 24 orët e fundit, 3,838 raste të reja me koronavirus janë regjistruar në Itali, nga 263,571 testime të kryera (një ditë më parë kishte 4,578 me 355,933 testime). Po kështu raportohet për 26 vdekje në 24 orët e fundit (krahasuar me 51 të shtunën). Në total, që nga fillimi i pandemisë, Italia ka shënuar 130,310 vdekje. Shkalla e pozitivitetit ishte 1.45%, nga 1.28% një ditë më parë.
Kujtomë këtu se shteti Italian ishte një ndër shtetet më të prekura gjatë periudhës së pandemisë vitin e kaluar ku ka shënuar shifra alarmantë në numra infektimesh por gjithashtu edhe në viktima ku mijëra persona humbnin jetën gjatë një dite. Një ndër vendet që u erdhi në ndihmë Italisë për të përballuar dhe situatën më virusin e rrezikshëm Covid-19 ishte dhe vendi ynë ku u dërguar disa mjekë dhe infermierë për të ushtruar profesionin e tyre në një vend më të vështirë lufte ku situata me pandeminë dhe numrin e vdekjeve kishte arritur kulmin.
Pavarësisht masave të marra nga autoritetet italiane përsëri numri i rasteve të infektuara është goxha në rritje. Ministria e Shëndetësisë dhe autoritetet u bëjnë thirrje qytetarëve që të respektojnë në mënyrë rigoroze të gjitha masat anti-Covid, pasi shihen si e vetmja mënyrë për të parandaluar përhapjen e varianteve të reja të virusit të rrezikshëm.
