Sipas një studimi të bërë nga Universiteti i Londrës (UCL), Britania e Madhe është shumë afër arritjes së “imunitetit të tufës” me 87% të popullsisë së saj me antitrupa ndaj koronavirusit. Gjithashtu në shtatë ditët e fundit, incidenca e infeksionit në Angli është në rënie në të gjitha grupmoshat. Sidoqoftë, përqindja e qytetarëve që duhet të zhvillojnë antitrupa për të arritur të ashtuquajturin “imunitet të tufës” vlerësohet të jetë në 93% për shkak të mutacionit të Deltës , i cili e bën virusin më ngjitës dhe të përhapet më shpejtë.
Ndërkohë profesori David Matthews, është shprehur se nuk pritet një rritje e madhe rastesh ose një numër të madh vdekjesh këtë dimër në Mbretësinë e Bashkuar.
“Nëse nuk ndodh diçka vërtet e papritur, atëherë kjo pandemi ka mbaruar për Mbretërinë e Bashkuar. Unë nuk mendoj se ne do të shohim një rritje të madhe rastesh këtë dimër ose një numër të madh të vdekjeve”, tha për Telegraph profesori David Matthews.
Gjithashtu më tej ai ka thënë se sa më shumë qytetarë të vaksinohen aq më mirë do të jetë për Mbretërinë e Bashkuar.
“Unë dyshoj se nuk do të shohim një shpërthim domethënës këtë dimër, as një numër të madh të vdekjeve. Sa më shumë të mbyllim hendekun me 10% të qytetarëve që nuk janë vaksinuar, aq më mirë do të jemi.”
