Ndonëse gazetarët janë ‘kthyer’ në shpresën e shumë njerëzve të mbyllur në shtëpi gjatë pandemisë, si dritarja informuese se çfarë ndodh jashtë mureve të shtëpisë së tyre, duket se vetë media nuk i ka shpëtuar krizës së koronavirusit.
Vlen të përmendet se shtypi i shkruar ndërpreu aktivitetin e tij për disa javë, duke pësuar një goditje edhe më të rëndë, teksa shumë televizione kanë ndërprerë programacionin, për shkak të kushteve të krijuara.
Ndryshimet e bëra në median e shkruar, televizive, por edhe atë online, për shkak të masave kufizuese të marra nga qeveria, duket se shkaktuan një impakt negative mbi biznesin mediatik, teksa qeveria shqiptare nuk ka parashikuar asnjë paketë ndihmuese.
Megjithatë, media ka hasur probleme edhe në vende të tjera, që ndryshe nga vendi ynë i kanë mbështetur gazetarët e mediat.
Së fundmi, qeveria e Maqedonisë së Veriut ka pranuar propozimet e paraqitura nga Unioni i Pavarur i Gazetarëve dhe Punëtorëve të Medias (SSNM) për të ndihmuar gazetarët dhe mediat.
Mësohet se një paketë ndihme speciale për të mbrojtur pagat e gazetarëve dhe për të mbështetur mediat do të prezantohet falë përpjekjeve të sindikatës që përfaqësojnë punonjësit e mediave në vend.
Ky plan do të sigurojë edhe subvencione për të gjithë punëdhënësit e mediave që kanë larguar në mënyrë të paligjshme punonjësit e tyre gjatë krizës, përfshirë edhe ata që ulën pagat e punonjësve.
Organizatat mediatike do të marrin mbështetje financiare nga shteti për licencat dhe shpenzimet e transmetimit në bazë të kërkesave nga SSNM dhe nga Shoqata e Gazetarëve të Maqedonisë (SHGM).
SSNM deklaroi që qëllimi kryesor i kësaj pakete është të mbështesë punëtorët e mediave dhe jo punëdhënësit.
Gjasat janë shumë të pakta që kjo të ndodhë edhe në vendin tonë, pasi kreu i qeverisë deri tani është shprehur skeptik ndaj një pakete të tillë, ndonëse ka marrë thirrje të shumta nga si nga “Shoqata e gazetarëve europianë”, ashtu edhe nga organizata të ndryshme, madje edhe presidenti Ilir Meta e kryedemokrati Lulzim Basha.
LEXO: Shoqata e Gazetarëve Europianë i kërkon qeverisë shqiptare paketa lehtësuse për mediat
Basha apel qeverisë: Media nuk duhet lënë jashtë ndihmës ekonomike
