Covid 19 i ka marrë jetën mëngjesin e sotëm një të riu shqiptar. Bëhet fjalë për Fatjon Halilaj, në moshën 37 vjeçare nga qyteti i Vlorës.
Mësohet se i riu kishte ditë që luftonte me coronavirusin, por gjendja e tij u rëndua dhe u fut në intubuim për dy ditë, ku më pas humbi dhe jetën.
“Një djal i ri ri humbi jetën si pasojë e Covid-19. Fatjon Halitaj ishte ndër mekanikët më të mirë të qytetit të Vlorës dhe ndër njerëzit më pozitiv që kam njohur. Për disa ditë me radhë luftoi ndaj sëmundjes së keqe ku ishte përmirësuar ndërsa pardje u përkeqësua menjëherë ku mjekët e futën menjëher në intubim dhe brënda disa orësh vdiq.
Fatjoni, një prind dhe familjar shëmbullor i la fëmijët jetim. Kjo sëmundje është e pabesë, ku stabiliteti shëndetësor mund të përkeqësohet menjëherë. Ngushëllime familjes dhe familjarëve për këtë humbje! Kjo sëmundje nuk është një lojë, zbatojini këshillat për tu mbrojtur”, shkruan gayetari vlonjat Enrik Mehmeti dhe ndan foton e 37 vjeçarit.
37 vjeçari nuk është rasti i parë që ka ndërruar jetë në moshë të re, pasi janë rregjistruar dhe raste të mëparshme. Kujtojmë se virusi kohët e fundit ka ndërruar sjellje me të rinjt. Sipas raporteve të publikuara, është vënë re një tendencë në rritje e infektimeve në moshat e reja dhe të mesme.
