Koronavirusi vijon të marrë jetë njerëzish në vendin tonë dhe ditën e sotme një lajm i trishtë vjen nga Shkodra.
Mësohet se ditën e sotme ka humbur jetën artisti shkodran Enrik Çefa në një nga spitalet Covid në Tiranë ku ishte nën intubim.
Çefa ishte i njohur për angazhimet e tij në disa festivale për fëmijë dhe të rritur në Shkodër, dhe ishte mjaft aktiv në jetën publike.Ndërkohë Çefa deri në momentin që ka dalë në pension ka punuar si mësues muzike në sistemin arsimor.
Kujtojmë se gjatë 24 orëve të fundit janë kryer 847 testime për të dyshuar të prekur nga COVID-19, ndërsa 155 persona janë konfirmuar pozitivë me COVID-19.Ndërkohë pavarësisht përpjekjeve të mjekëve, fatkeqësisht në dy spitalet COVID, nuk e kanë fituar dot betejën me sëmundjen 4 pacintë, një 57 vjeçar nga Vlora dhe tre qytetarë nga Tirana një 68 vjeçar, një 80 vjeçar dhe 82 vjeçar me sëmundje bashkëshoqëruse.
