Gjatë ditës së sotme, pas ardhjes së rezultatit të stafit pedagogjik pas bërjes së testit, kanë rezultuar me Covid-19 edhe 5 mësues të tjerë të infektuar përveç 5 të tillëve që ishin më parë të konfimuar pozitivë, si dhe 3 sanitare.
Kujtojmë se vetëm disa ditë më parë në po të njuëjtën shkollë, dolën pozitvë 5 mësues dhe 29 persona u karantinuan.
Ndërkohë që ditën e sotme bëhet me dije se nga këta 29 persona të karantinuar, sipas gjurmimit epidemiologjik, pas kryerjes së testit kanë rezultuar pozitivë edhe 5 mësues dhe 3 sanitare duke e çuar numrin e përgjithshëm të të prekurve në këtë shkollë në 13 persona, mes të cilëve 10 mësues.
Deri më tani mësohet se mësuesit e infektuar do të zëvendësohen më mësues të tjerë, në mënyrë që mësimi të vijojë pa ndërprerë për nxënësit.
Gjithashtu edhe ish-deputetja e Partisë Demokratike, Albana Vokshi, ka denoncuar faktin se shkollat po kthehen në një vatër të re infeksioni Covid, duke cekur edhe faktin se shkolla Emin Duraku duhet të mbyllet pas rasteve të reja të dala pozitive me Covid, si dhe se po fshihen shifrat reale mësuesve dhe nxënësve të infektuar.
Ish-deputetja Vokshi ka hedhur akuza ndaj qeverisë, se kjo e fundit nuk ka krijuar kushtet e duhura për nisjen e shkollës dhe krijimin e ambienteve të përshtatshme, ndërsa sipas saj shumica e shkollave nuk kanë as kushtet higjieno-sanitare të nevojshme.
Në lidhje me të infektuarit në shkollën 9-vjeçare “Emin Duraku”, ka reaguar edhe Ministria e Arsimit. Ministria e Arsimit Sportit dhe Rinisë (MASR), ka deklaruar se mësimi në shkollën “Emin Duraku” po vazhdon normalisht dhe se mësuesit e konfirmuar si pozitivë me Covid-19, janë karantinuar.Gjitashtu ministria ka cekur se mësuesit janë zëvendësuar me të tjerë. Ndër të tjera Ministria e Arsimit ka theksuar se shkolla 9-vjeçare në fjalë është dezinfektuar tre herë./GazetaReforma.com/
