Austria do të fusë në ‘lockdown’ të gjithë të pavaksinuarit. Nga e hëna 8 nëntor kush nuk është i imunizuar nuk mund të hyjë në restorante, hotele, evente kulturore, sportive dhe do të përjashtohet nga aktivitete të ndryshme. Në 4 javët e para doza e parë dhe tamponi do të mjaftojë për të pasur akses në ambientet publike. Kancelari Alexander Schallenberg i ka justifikuar këto masa me numrin e madh të rasteve me Covid në Austri (9388 vetëm një ditë më parë).
“Kur hipim në makinë vendosim rripin e sigurimit, vaksina Covid është rripi ynë”, tha Schallenberg. Të pavaksinuarit janë gjithashtu të përjashtuar nga skitë dhe nuk do të mund të hyjnë më në implantet e skive, madje edhe si vizitorë, spitale dhe shtëpitë e të moshuarve. Për më tepër, maska Ffp2 bëhet e detyrueshme në dyqane, muze dhe biblioteka.
Në Austri, fushata e vaksinimit ka qenë e ngadaltë prej disa kohësh, me vetëm 63.1% të imunizuar. Kancelari Schallenberg citoi Papa Françeskun që e ka quajtur vaksinimin një akt dashurie. Doza e tretë rekomandohet pas gjashtë muajsh. Leja e gjelbër do të jetë e vlefshme për nëntë muaj, pas dozës së fundit. Drejtuesi i qeverisë ka paralajmëruar kundër atyre që e “polarizojnë” çështjen në politikë. “Është koha për të vepruar së bashku, domethënë për të vaksinuar me shpejtësi të plotë”, tha edhe guvernatori, Guenther Platter.
Ministri i Shëndetësisë Wolfgang Mueckstein u bëri thirrje austriakëve që të marrin edhe vaksinën e gripit. “Ne po përballemi me një valë të re dhe duhet të jemi gati”, tha ai. Së fundi, ministri kritikoi ashpër “politikanët që përhapin lajme të rreme”.
