Ndërsa numri i të prekurve ka shkuar në 20, është shënuar viktima e parë nga Coronavirusi në Itali.
Bëhet fjalë për një 78-vjeçar, Adriano Trevisan, i cili prej 10 ditësh ishte i shtruar në spitalin e Schiavonia-s, në Lombardi.
Ai ishte paraqitur në spital me shenja gripi, por pas analizave të kryera rezultoi pozitiv ndaj testit të virusit vdekjeprurës.
Pas ngjarjes reagoi menjëherë kryeministri Giuseppe Conte, i cili ka zhvilluar një mbledhje të jashtëzakonshme me Mbrojtjen Civile, teksa bëri thirrje se nuk ka vend për panik.
Ndërsa ministri i Shëndetësisë tha se të gjithë personat që ka patur kontakt me njerëz që kanë testuar pozitivisht ndaj virusit duhet të hyjnë në karantinë.
Numri i viktimave nga Coronavirusi po shtohet çdo ditë e më shumë dhe deri më tani është përhapur në 29 vende të botës.
Mësohet se në rang global janë shënuar 2345 viktima dhe mbi 75 mijë njerëz të tjerë janë infektuar nga virusi vdekjeprurës.
