Tashmë Kina e ka fituar betejën me COVID-19, pasi janë rihapur shkollat, fabrikat, lokalet, është rikthyer transporti publik dhe janë mbyllur spitalet e përkohshme.
Numri i të infektuarve është ulur ndjeshëm dhe tashmë Kina është shprehur e gatshme të ndihmojë vendet e tjera që po luftojnë kundër armikut të përbashkët botëror.
‘Rikthehet jeta’ në Kinë, 70 mijë persona të shëruar nga 81 mijë të infektuar
Së fundmi, Kina ka dërguar në Ballkan ndihmën e parë, konkretisht për Serbinë.
Lajmin e ka bërë me dije se agjencia shtetërore e lajmeve të Kinës “Xinhua News Agency”, ku ka thënë se në Serbi ka mbërritur ndihma e parë për përballimin e Coronavirusit dhe bëhet fjalë për një avion privat me 1 mijë kite testuese.
Ato do të ndihmojnë autoritetet shëndetësore në Serbi që të testojnë sa më shumë raste me COVID-19.
Më poshtë, video e Agjencia shtetërore e lajmeve të Kinës “Xinhua News Agency”:
China sends 1st batch of medical aid to Serbia to help fight #COVID19. #coronavirus pic.twitter.com/PNRpkcaZae
— China Xinhua News (@XHNews) March 18, 2020
Ditën e djeshme ish-zv.ministrja e Drejtësisë Teuta Vodo, njoftoi se Ambasada e Kinës në Tiranë dhe Departamenti Ndërkombëtar i Komitetit Qëndror të Republikës Popullore të Kinës ka shprehur gatishmërinë për të vënë në dispozicion të qeverisë shqiptare materialet mbi praktikat dhe eksperiencën e palës kineze për parandalimin dhe kontrollin e pandemisë së nisur në Wuhan.
COVID-19 në Shqipëri: Kina shpreh gatishmërinë për të na ardhur në ndihmë
Në rang botëror deri tani janë shënuar of 8,893 viktima dhe janë regjistruar 215,568 të infektuar në 171 shtete, ndërsa në vendin tonë deri tani kanë humbur jetën 2 person dhe janë infektuar 59 të tjerë, teksa në Kosovë janë 20 persona të infektuar me COVID-19.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
