Sikundër pritej, është rritur sërish numri të infektuarve nga COVID-19 në vendin tonë dhe tashmë numri i të prekurve ka shkuar në 89 persona, pasi në buletinin e të dhënave nga Ministria e Shëndetësisë bëhet me dije se 13 raste të reja kanë rezultuar pozitivë në 24 orët e fundit.
Në 24 orët e fundit janë kryer 33 teste dhe rastet e reja janë regjistruar në Tiranë, Durrës, Korçë dhe Rrogozhinë, teksa ky është numri më i lartë i të infektuarve brenda 24 orësh në vendin tonë.
Ministria ka bërë gjithashtu me dije se 58% e të infektuarve janë meshkuj dhe 42%, femra, teksa vihet re mosha e mesatare e të infektuarve, 48 vjeç, jë moshë relativisht e re, duke thyer mitin se virusi prek më shumë të moshuarit.
Deri tani janë kryer 804 raste në total dhe të prekurit janë në këto qytete:
Tiranë: 63 raste
Durrës: 6 raste
Lushnje: 2 raste
Elbasan: 2 raste
Fier: 8 raste
Rrogozhinë : 2 raste
Kavajë: 3 raste
Korçë: 3 raste
Bëhet me dije se prej tyre 43 janë shtruar në Spitalin Infektiv, ku 4 ndodhen në terapi intesive ndërsa të tjerët janë në gjendje të stabilizuar, teksa mosha mesatare e tyre është 54 vjeç.
Numri total i viktimave në rang botëror deri tani është rreth 13, 500 persona dhe janë mbi 308 , 600 të infektuar në 183 vende, teksa në Kosovë janë regjistruar 31 të infektuar.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
