Vijon përparimi i Coronavirusit në vende të ndryshme të botës, ku në Gjermani janë shënuar së fundmi 2 viktimat e para.
Sipas mediave vendase, viktimat ishin shtruar prej ditësh në spital, por nuk ia kanë dalë në betejën me COVID-19.
Lajmin e ka bërë të ditur një zëdhënës i Ministrisë së Shëndetësisë gjermane, i cili ka njoftuar se bëhet fjalë për një grua 89-vjeçare, banore në qytetin Essen.
Viktima e dytë është shënuar në qytetin e Heinsbergut, ndërkohë numri i të infektuarve në Gjermani ka shkuar në mbi 1000 persona.
Në rang global deri më tani janë shënuar 3821 viktima dhe 108,000 të infektuar, teksa pjesa më e madhe janë të regjistruar në Kinë.
Megjithatë, javët e fundit, virusi ka prekur Europën, ku gjendja më e vështirë duket të jetë në Itali, vendi i dytë më i prekur në botës pas Kinës.
COVID-19 ka prekur edhe vendin tonë, ku u regjistruan dy të infektuarit e parë, babë e bir.
