Bora Muzhaqi është pyetur mbi rritjen drastike të çmimeve, konkretisht për atë të naftës që duket se po bën impaktin më të madh në xhepin e konsumatorëve.
Duke folur lidhur me këtë temë, Muzhaqi tha se ishte e detyruar të vinte me makinë në punë, duke qenë se mbante postin e ministres.
“Unë si ministre e kam të detyruar të vij me makinë. Mund të vij edhe në këmbë”– ka shtuar ajo në fund.
https://www.facebook.com/100001551300842/videos/4584568495003779/
Çmimi i naftës ka arritur në kulmin e saj deri në 230 lekë për litër.
Për këtë ka reaguar dhe kryeministri Rama nëpërmjet kthimit të përgjigjeve ndaj komentuesve në rrjete sociale të cilët i janë drejtuar me pyetje lidhur me rritjen e çmimeve në vend.
Kryeministri është pyetur se si ka mundësi që edhe pse çmimi i naftës po rritet, nuk ka asnjë reagim dhe se vetë kryeministri nuk po merr masa të nevojshme. Rama në përgjigjen e tij i thotë qytetarit se rritja e çmimeve është normale pasi po jetojmë në një kohë lufte.
Edi Rama:
Po behet lufte, lufte prej verteti, lufte me bomba e me viktima e me plage te jashtezakonshme, kjo po ndodh dhe po te ishte i mundur kontrolli i cmimeve nga qeveria, do e kishte ndonje qeveri ne Europe ku cmimet po rriten edhe me frikshem se ketu, nderkohe qe ketu nuk po rritet ende energjia elektrike, pikerisht sepse shteti qe e shet dhe e blen energjine, ndryshe nga nafta e mielli e tere te tjerat qe shiten e blihen nga privatet, po e mban me dhembe kur i thone llafit pikerisht qe te lehtesoje sadopak familjaret! Qe s’eshte e drejte kjo nuk diskutohet, po s’ka si te mos ndodhe ne keto kushte alarmi ne te gjitha tregjet dhe me sanksionet ndaj Rusise qe eshte eksportuesi me i madh ne Europe i gazit, naftes dhe grurit, por ama nga ana tjeter s’ka se si te mos e marrim edhe ne bashke me tere te tjeret, nje pjese te barres se luftes se ukrainasve kunder nje agresioni ushtarak mbi shtetin e tyre sovran e demokratik, sepse historia na ka mesuar me shume se nje here qe kush mbyll syte kur i vjen tjetrit lufta ne shtepine e vet, shume shpejt e ka luften ne shtepine e tij!
