Çmimi i naftës në bursë ka shënuar sërish ulje të ndjeshme duke pasur shifra më të lira se përpara luftës, teksa Bordi i Transparencës në Shqipëri vazhdon lojën e “zhvatjes” së shqiptarëve me çmime rekord të naftës.
Bordi nuk e “prish terezinë” dhe kjo ka sjellur reagimin e kreut të Partisë së Lirisë, Ilir Metës, i cili , ka bërë sërish thirrje për uljen e çmimit të hidrokarbureve.
Nga selia e PL-së, Meta lëshoi akuza në drejtim të qeverisë Rama dhe bordit të caktimit të çmimit të karburantit.
“Jemi së bashku me deputetin e Partisë së Lirisë, Petrit Vasili për të denoncuar rrjepjen e pamëshirshme që bordi i rrjepjes së shqiptarëve, që përmes çmimeve spekulative të naftës po iu bën shqiptarëve të thjeshtë. Është e qartë që kur në bursën ndërkombëtare çmimi ka rënë në nivele me të ulëta se para fillimit të luftës, përkundrazi në vendin tonë nuk reflektohet. 221 lekë në Shqipëri nafta. Kudo merren masa për të mbrojtur qytetarët, konsumatorët, sipërmarrjet e thjeshta, por vetëm këtu punohet për funksion të oligarkut Rama dhe ogiçeve të tij. 50% ulje të akcizës për naftën në Shqipëri, U bë kaq kohë që janë propozuar nga opozita, nga partia e Lirisë, siç është pezullimi i taksës së qarkullit, por asnjë respektim”, deklaroi Meta.
