Në muajin shkurt, inflacioni mbeti i pandryshuar, duke ruajtur të njëjtën rritje të çmimeve prej 1.9% si në muajin janar.
Krahasuar me një vit më parë, ky tregues ka pasur një ulje nga 2.6% që ishte në shkurt të vitit 2024.
Rritja e çmimeve ka ardhur kryesisht nga produktet bazë të jetesës, si ushqimet, mirëmbajtja e shtëpisë, pijet, qiratë dhe shpenzimet për veshje, këpucë dhe argëtim.
Ekspertja ekonomike Romina Radonshiq ka theksuar se, ndonëse niveli i fuqisë blerëse është i pandryshuar, shqiptarët po përpiqen të menaxhojnë financat e tyre më me kujdes.
Niveli i fuqisë blerëse është po i njëjtë. Shqiptarët po mundohen të mirëmenaxhojnë financat e tyre në të njëjtën masë. Patjetër në mirëmenaxhim është dhe evidentimi i prioriteteve. shqiptarët kanë prioritete së pari nevojat fiziologjike ushqimin dhe strehimin. Patjetër që dhe niveli më i lartë i rritjes së çmimeve do të jetë këtu.”
“Rritja e çmimit të mishit si pasojë e varësisë që ka vet blegtoria duke qenë së ne e importojmë mishin dhe e kemi në mungesë. Çmimi i mishi vjen me një çmim x vendosen dhe marzhet e fitimit të tregtarëve dhe tek konsumatori fundor vjen me çmim më të lartë dhe të papërballueshëm. Ndërsa tek zarzavatet duke qenë se janë jashtë stine janë edhe me çmime më të larta”, shton ajo
Ajo ka shtuar se një nga faktorët që ka kontribuar në inflacionin është rritja e çmimeve të ushqimeve, veçanërisht mishit, zarzavateve dhe produkteve të tjera të rëndësishme.
Sipas INSTAT, çmimi i mishit u ul me 4%, ndërsa zarzavatet, qumështi, djathi dhe vezët kanë shënuar një rritje prej 2.8%.
Rritja e çmimit të mishit lidhet me varësinë nga importet dhe mungesën e tij në treg, ndërsa çmimi i zarzavateve është rritur për shkak të sezonalitetit.
Shpenzimet për ushqime zënë një pjesë të madhe të buxhetit të familjeve shqiptare, rreth 40%, dhe kërkesa e lartë për këto produkte ndikon në rritjen e çmimeve.
Po ashtu, sektori i bareve dhe restoranteve, si dhe ai i transportit, kanë pësuar rritje çmimesh me afrimin e sezonit turistik, duke kontribuar gjithashtu në inflacionin e muajit shkurt.
