Vendi ynë po përballet me një rritje stratosferike të çmimeve, teksa ditën e sotme kryeministri Rama bëri një premtim të radhës për pagën minimale.
Rama deklaroi se nga gjysma e dytë e vitit të ardhshëm, paga minimale do të jetë 38 000 lekë.
“Do të rrisim edhe një herë nivelin e pagës minimale. Kemi qëllim që ta çojmë në 36 000 lekë, ndërsa në gjysmën e dytë të vitit të ardhshëm, të bëhet 38 000 lekë. Nga kjo rritje e menjëhershme janë 21 milionë $ që do të përfitohen direkt nga ata që paguhen me pagë minimale. Për 100 000 familje, janë 3500 lekë që shtohen çdo muaj me këto rritje. Do të vazhdojmë të mbështesim familjet duke rritur nivelin e pagës që nuk taksohet, deri në 50 000 lekë”, u shpreh kryeministri Rama nga foltorja e Parlamentit.
Kujtojmë që rritja e fundit e pagës minimale u bë me datë 8 shtator 2022 si pjesë e Pakestës së Rezistencës Sociale.
Praktikisht paga minimale u rrit me 2000 lekë, duke e çuar në 34.000, nga 32.000 që ishte më parë.
Vlen të theksohet se në raport me çmimet në vend, veçanërisht të atyre të shportës bazë, kjo rritje e pagës minimale ishte e papërfillshme për qytetarët. Ata i ndjejnë çdo ditë e më shumë në xhepat e tyre situatën kaotike të tregut, ku çmimet janë thjesht të “çmedura”.
