Situata e rritjes së çmimeve duket alarmante, ku më shumë se çështje e pasojave të luftës, është ajo e abuzimit.
Çmimet në statosferë kanë krijuar një gjendje kaosi, ku ish kryeministri Sali Berisha në një deklaratë për mediat, ka folur për rritjen drastike të çmimeve të naftës dhe energjisë.
Berisha ka kërkuar me urgjencë heqjen e plotë të tvsh-së nga nafta dhe energjia elektrike, rimburësim ose bonus për familjet në nevojë si dhe heqjen e taksës së qarkullimit prej 270 lekësh.
“PD kërkon me urgjencë heqjen e plotë të tvsh nga nafta dhe energjisë elektirke . Së dyti kërkon rimburësim apo një bonus për familjet në nevojë, shtesë që të përballojë krizën energjitike. Heqjen e taksës së qarkullimit prej 270 lekë dhe me këto lëvizje çmimet e naftës duhet të zbresin në nivelet e vendeve përreth, por meqësense Edi Rama i pëlqen ta shfrytëzojë situatën e luftës para se tu thotë shqiptarëve si me Covidin që do shihni kodra me kufomë duhet të marrë këto masa që rëndojnë mbi qytetarët”, tha Berisha
Kujtojmë që kryeministri i vendit Rama, pasi shpalli “krizën” ditën e djeshmë duke i deleguar fajet tek situata Ukrainë-Rusi, ditën e sotme më anë të një postimi në rrjetet sociale ka bërë të ditur për një informacion mbi krizën energjitike.
Sipas tij edhe për shkak të luftës në Ukrainë, çmimi për megavat vazhdon të rritet çmendurisht, orë e çast, nga 52 euro vjet në 550 euro aktualisht.
Gjithashtu ai shton se gjasat janë që rritja marramendëse të vazhdojë dhe parashikimet shkojnë deri në çmendurinë totale të 1000 eurove për megavat orë!
