Ervin Bushati, ish-deputeti socialist i cili tashmë drejton Postën Shqiptare, ka thënë se rritja e çmimeve për ushqimet e shportës, nuk është shumë e madhe. I ftuar në emisionin “Kjo Javë” në Neës 24, Bushati ka thënë se në Shqipëri është rritur vetëm çmimi i miellit, ndryshe nga ç’ka ndodhur në Europë, ku janë rritur edhe gazi e nafta. Në fakt, pikërisht këto kanë ndodhu edhe në vendin tonë, kur veç rritjes së çmimit të miellit, gazi e nafta prekin nivele rekord.
Por Bushati e ka relativizuar edhe rritjen e çmimit të miellit, duke thënë se tani nuk jetojnë të gjithë vetëm me bukë. Veçse është produkti bazë në tryesën e shumë shqiptarëve, Bushati nuk e di në fakt se shumë qytetarë nuk mund ta blinin bukën as me çmimin e mëparshëm. Tashmë në një post të ri, Bushati duket i bindur se rritja
e çmimeve është e përballueshme, madje nivelet janë të tilla për shkak stë inflacionit.
“Të vijmë tek çmimet e shportës. Është e vërtetë që në botë janë rritur çmimet e ushqimeve me 60%, është një rritje shumë e madhe. Për arsye të bllokimeve, logjistikës e transportit prej COVID-it, për shumë arsye të ndryshme. Është rritur dhe energjia gati me 30-40%, nafta dhe gazi shumë në Europë. Të gjitha këto bëjnë që struktura e çmimeve të rritet. Në Shqipëri është rritur çmimi i miellit. Mielli tregtohet në bursë, nuk është rritur aq shumë sa mund të jetë rritur në vende të tjera, e kuptoj që është një diskutim që bëhet dhe që merret si referencë, por ndërkohë që çmimet dhe inflacioni në Shqipëri është rritur vetëm 2.4%. Mund të jetë rritur një produkt. Me gjithë respektin nuk jetojnë të gjithë vetëm me bukë tani dhe nuk është vetëm…Çmimet e tjera nuk janë rritur. Produktet bujqësore, kemi në krahun tjetër bujqit dhe fermerët dhe tregtarët që thonë se çmimet janë shumë të ulëta dhe nuk na del. Nuk janë rritur të gjitha çmimet, 2.4% është inflacioni”, ka thënë drejtori i ri i Postës Shqiptare.
