Erdhi leku, erdhi leku”. Nuk është aspak çudi që kjo të jetë moto e përditshme e atyre që punojnë në administratën shtetërore e që merren me tendera. Dhe nuk kanë aspak faj në fakt, pasi rezulton se kjo është koha e artë e lekut nëpërmjet tenderave.
Prej kohësh jemi mësuar me tenderat pa kriter që jepen nga institucioni i Postës Shqiptare, por këtë herë histeria ka arritur kulmin me tenderin e radhës që do të jepet.
Faqja Jeta Osh Qef ka publikuar edhe dokumentet që tregojnë se tenderi më i fundit me numër reference REF-91797-03-30-2021 ka si objekt nje “KONTRATË MONITORIMI”. Por kjo kontratë monitorimi nuk është aspak e zakonshme dhe e nghjashme me të tjerat. Miliona lekë do të përdoren në mënyrë që ky institucion të monitorojë në 24 orë të ditës të gjitha lajmet, artikujt, kronikat në televizione, gazeta e portale, ku përmendet emri i Postës Shqiptare.
Madje monitorimi do të përfshijë 12 kanale televizive, 100 faqe web dhe 20 gazeta e revista. Në rastin më të fundit rezulton se Posta Shqiptare, e drejtuar deri para pak kohësh nga kandidati që garon si deputet i PS Laert Duraj, ka planifikuar të bëjë “rrush e kumbulla” rreth 24 milionë lekë të vjetra me TVSH./JOQ/
