Mbrëmja e kësaj të mërkure në Champions League ka dhuruar emocione dhe gola në të dyja takimet e zhvilluara. Ka qenë Juventusi skuadra që është ndalur duke pësuar një humbje thuajse të papritur. Torinezët janë ndalur në Portugali përballë Portos, e cila e fitoi ndeshjen me rezultatin 2 me 0. Ka qenë Taremi ai që kaloi portugezët në avantazh që në minutën e dytë falë një gabimi në mbrojtjen e bardh e zinjve. Më pas dyfishoi rezultatin për Porton marega në minutën e 46-të. Për skuadrën e drejtuar nga Andrea Pirlo ishte Fredercio Chiesa ai që shënoi golin që mban gjallë shpresat e italianëve për kualifikim.
Ndërkohë, plot 5 gola janë shënuar në sfidën tjetër të mbrëmjes mes gjermanëve të Borusias së Dortmundit dhe Sevillias. Rezultati përfundimtar ka qenë 3 me 2 për miqtë gjerman. Të partë kaluan në avantazh spanjollët me anë të Suso, po Dortmundi arriti të shënonte tre herë me Haland, Erling dhe Dahoud. Golin e dytë për andaluzianët e shënoi Luk De Jong.
Rezultatet e të dyja ndeshjeve të para kanë lënë gjithçka të hapur për ndeshjet e kthimit që do të luhen në 3 mar. Juventus do të pres Porton në Itali, ndërsa spanjollët e Sevillias do të luajnë transfertën e kthimit në Signal Iduna Park në Gjermani.
