Nga dita e djeshme në qytetin e Beratit janë vendosur postblloqe të shumtë nga policia, pasi synohet kapja e disa personave të ndodhur në kërkim, ulja e kriminalitetit dhe rritja e sigurisë rrugore.
Raportohet se janë kryer kontrolle të imtësishme për drogë e armë në çdo automjet, ndërsa drejtuesit e tyre u janë nënshtruar disa kontrolleve shtesë për të verifikuar nëse janë apo jo persona e shpallur në kërkim.(Lexo këtu)
Ndërkohë mbrëmjen e sotme raportohet se një aksion i ngjashëm po zhvillohet edhe në qytetin e Fierit.
Policia ka ushtruar për disa minuta kontrolle në mbrëmjen e sotme në akset hyrëse dhe dalëse të qytetit, ku forcat më të shumta janë përqëndruar në zonën “Vija e ngjalës”, në aksin Fier-Tiranë, dhe në rrugën Fier-Vlorë.
Edhe në këtë qytet në fokus të kontrolleve kanë qenë personat që rezultojne të shpallur në kërkim për armë apo drogë.
Mësohet se kontrollet rutinë do të vijojnë edhe ditët e ardhshme, ndërkohë në asnjërin nga aksionet nuk është kapur asnjë person i përfshirë në botën e krimit.
