Dy shpërthime të fuqishme pasditen e sotme kanë vendosur në alarm Policinë ne Lezhë.
Shpërthimet ishin të njëpanjëshme rreth orës 19:40 dhe 19:41 kryesisht në Shëngjin, Ishull Shëngjin dhe Ishull Lezhë.
Deri më tani nuk ka ende asnjë informacion tjetër teksa shpërthimet janë ndier në gjithë zonën dhe Policia po punon për të zbardhur ngjarjen .
Akoma nuk dihet as vendi se ku kanë ndodhur, as nëse ka të lëduar apo se çfarë ishin këto shpërthime.
Ndërkohë deri në këto momente policia nuk ka reaguar në lidhje me ngjarjen.
Një banor ka folur në lidhje me shpërthimet dhe thotë se për të goditjet erdhën nga ajri, dhe ishin shumë të fuqishme aq sa banorët kishin frikën e ndonjë cunami.
Ai thotë se shpërthimet ndodhën brenda disa sekondave dhe u duk sikur ndodhën në ajër.
‘’Ishim tek shtëpia brenda, po hanim bukë, ndodhi një goditje e jashtëzakonshme. Pastaj erdhi goditja tjetër, për mua ishte nga ajri. Nj goditje e jashtëzakonshmi, ishin nga ajri dhe shpërthyen në ajër, punë sekondash. Njoftuam operativin se s’kemi informacione, kishim frikë se mos ndodhte ndonjë tip cunami. Doli gjithë familja nga frika. S’pamë gjë. Ishin të papame. Goditje nga ajri. ‘’- tha banori.
Shpresojmë që të mos të jenë shpërthime ku mund të ketë pasur të lënduar apo viktima.
