Shumë shtete kanë vendosur rregulla të reja në lidhje me vaksinimin e detyrueshem të stafit mjeksor. Disa prej tyre kanë marra masa strikte duke shkuar kështu deri në pezullimin e mjekëve nga puna nëse kundërshtojnë për marrjen e dozës së vaksinës. E tillë paraqitet situata edhe në Mbretërinë e Bashkuar. Nëse nuk je i vaksinuar nuk mund të punosh në Spitalin e Përgjithshëm në Southampton të Mbretërisë së Bashkuar.
Ky është vendimi i drejtuesve të këtij spitali të cilët kanë thënë se nuk do të lejojnë stafin e pavaksinuar për tu kujdesur për pacientët.
“Prioriteti ynë është të mbajmë stafin dhe pacientët tanë të sigurt”, thuhet në vendimin e drejtuesve të spitalit.
Së fundmi BBC ka publikuar një intervistë anonime të një punonjëse të spitalit e cila refuzon të bëjë vaksinën anti-Covid19. Ajo ndihet e frustruar për shkak se ishte pezulluar duke mos kryer asnjë detyrë në ndihmë të pacientëve.
Duke folur për BBC në mënyrë anonime, ajo tha: “Unë nuk jam ende gati për ta bërë vaksinën dhe është rreziku im, apo jo?”
Gruaja shpjegoi: “Unë mendoj se kjo është një zgjedhje e lirë. Unë nuk jam kundër vaksinave por momentalisht nuk mundem. Jam shumë e zhgënjyer, u ndjeva e fyer. Ishte vërtet tronditëse”.
Kujtojmë se para pak ditësh edhe Greqia ishte një ndër vendet që kishte vendosur pezullimin nga detyra të stafit mjeksor përarsye se ata nuk kishin pranuar vaksinimin e detyrueshëm. Madje një pjesë e madhe prej tyre dolën në protest duke kundërshtuara masat e reja të vendosura nga qveria dhe nga drejtuesit.
