Papa Françesku, tashmë 85 vjeç, ka probleme të rënda shëndetësore.
Ai është parë për herë të parë duke lëvizur me karrocë, të enjten, disa ditë pasi ai pati një trajtim mjekësor për shkak të dhimbjes së gjunjëve.
Ati i shenjtë i katolikëve në të gjithë botën, prej kohësh ka vuajtur nga
dhimbjet në gjurin e majtë. Sot ai është parë duke lëvizur me karrocë në qytetin e Vatikanit. Papa do të mbante një takim me motrat e nderit, që i kishin shkuar për vizitë nga mbarë bota. Papa u ngjit në skenë dhe u ndihmua të ulet në një vend përballë një publiku me një grup murgeshash dhe eprorëve fetarë nga e gjithë bota në Vatikan.
Për shkak të këtij problemi Papës i është dashur të anulojë ose shkurtojë aktivitetet disa herë gjatë muajit të fundit për shkak të dhimbjes në gjurin e tij të djathtë.
Sipas Sky News, Papa Françesku u fotografua në një karrige me rrota korrikun e kaluar pas një operacioni të madh në zorrë, por kjo besohet të jetë hera e parë që ai e përdor një të tillë në publik për shkak të problemeve për të lëvizur.
Kohët e fundit ai ka marrë disa injeksione në përpjekje për të lehtësuar dhimbjen dhe për t’iu rikthyer aktiviteteve të tij.
