Një aksident tragjik por edhe i pazakontë ka ndodhur në Dibër.
Bëhet me dije se një 60-vjeçar me inicialet N.B ka humbur jetën teksa po zbriste nga makina e parkuar në të cilën ishte pasagjer. 60-vjeçari u rrëzua aksidentalisht dhe mori dëmtime të rënda në kokë. Më pas ai është dërguar për ndihmë mjekësore në spitalin e Traumës në Tiranë, por fatkeqësisht nuk mundi të mbijetonte dhe ndërroi jetë. Ndërkohë që me qëllim zbardhjen e plotë të rrethanave të kësaj ngjarjeje, autoritetet thonë se vijojnë hetimet.
Vlen të kujtojmë se para disa ditësh Dibra u trondit nga një humbje jete në mënyrë tragjike e një 15-vjeçari teksa po lahej në lumin “Drin i Zi”.
Ali Lita 15 vjeç ka humbur jetën pasi është mbytur në ujërat e lumit Drin në fshatin Potgorcë të Maqellarës. 15-vjeçari, nxënës i klasës së 9-të, ka qenë bashkë me shokët e klasës, në ekskursion pranë lumit “Drin i Zi” Bëhet me dije se adoleshenti është futur për t’u larë në lumë, dhe nuk ka mundur të dalë. Trupi i tij është gjetur rreth 5 km më poshtë, në fshatin Gradec, nga disa pushues që bënin plazh në këtë zonë.Nxënësit kishin shkuar të organizuar në ekskursion, pas mbarimit të klasës së 9-të.
