Kryetarja e Komisionit Hetimor të Sterilizimit ka ngritur shqetësime lidhur me trajtimin e ndryshëm që po i bëhet ish-ministrit të Shëndetësisë, Ilir Beqaj, gjatë seancave.
Vokshi ka deklaruar se ndërkohë që asaj i kontrollohet çdo objekt që mund të fusë në sallë, përfshirë parfumin, Beqaj lejohet të hyjë me një dosje dhe kuti, përmbajtja e të cilave sipas saj nuk është e qartë.
Kryetarja theksoi se ky trajtim i dyfishtë është i papranueshëm dhe nuk duhet të ketë dallime në trajtimin e dëshmitarëve.
Mua nuk më lejohet të sjell parfum me vete më kontrollohet çanta, ndërsa Beqaj hyn me kutinë e zezë të metalizuar në sallë, di unë çfarë kishte brenda?
Kjo është skandaloze. Ju bëj thirrje ndaluni. Ai është një shtetas i thirrur për të dëshmuar dhe duhet të respektohen procedurat që u respektuan edhe për të gjithë dëshmitarët e tjerë.
Po teprohet. Kam gjetur një sallë të mbushur me Beqajn që shëtiste dhe avokatin që përdorte të gjitha mjetet që janë në dispozicion.
U kthye komisioni si stallë-, tha Vokshi.
