Gazetari Elvi Fundo ka bërë të ditur një detaj të ri nga hetimet që po zhvillohen për Erion Veliajn dhe Ajola Xoxën.
I ftuar në emisionin “Kafe Shqeto,” ai njoftoi se po hetohet edhe një pasuri tjetër, konkretisht një apartament në Tiranë.
Fundo theksoi se Veliaj nuk është një person që mbahet padrejtësisht në burg, por që ka qenë i përfshirë në skema për fshehjen e pasurive, ka dhënë leje në kushtet e konfliktit të interesit dhe ka firmosur dokumente që kanë sjellë përfitime financiare për Ajola Xoxën.
Gjithashtu, gazetari njoftoi se ndaj Veliajt është shtuar një akuzë e re, tashmë e 14-ta për shpërdorim detyre, për shkak të krijimit të një rruge që çon në pronat e Ajola Xoxës, për të cilën ekziston edhe një vendim i Gjykatës Administrative të Apelit.
