Çështja e deputetit të Partisë Demokratike Ervin Salianji ,“Babalja”, është kthyer në një telenovelë tashmë pasi këtë të hënë është shtyrë për herë të gjashtë. Seanca e parashikuar nga Gjykata e Tiranës. Këtë herë arsyeja është mungesa e trupit gjykues. Salianji më herët ka hedhur dhe akuza ndaj prokurorëve dhe gjyqtarëve të çështjes në Shkallën e Parë, për të cilët ka thënë se janë të shkarkuar nga vettingu.
“Prokuroria dhe organet nuk bënë atë që duhet të bënin, duke u marrë me denoncuesit.
Jo vetëm që i qëndrojmë, por fakti i hetimeve nga prokuroria faktoi plotësisht ato që denonconim dhe u përfshi akoma më shumë struktura, për të mbrojtur trafikun shtetëror të drogës të kryer nën mbrojtjen e ish-ministrit të Brendshëm, aktualisht deputet i PS. Nuk ka hetim pasuror për Fatmir Xhafën, si vëllai i një subjekti të OFL-së.
Çfarë do bëj, do hidhem përpjetë. Çdo vendim i gjykatës do zbatohet unë po them me fakte e prova që s’ka gjykatë që nuk e merr parasysh.
Fakti tjetër që prokurorët të gjithë por dhe gjyqtari që është marrë me çështjen janë larguar që të gjithë nga vettingu ose kanë dhënë dorëheqjen janë të gjithë më atë moment të caktuar për shkak se njihej si babai i reformës në drejtësi personi i përfshirë dhe njeri me pushtet politik ka pasur ndikimin e vet për të dhënë një vendimmarrje të caktuar.
Sot ata s’janë në sistemin gjyqësor çka i bën dhe të paragjykuar. Kjo çështje do shkojë në gjithë instancat gjyqësore.
Jam i bindur që do ketë vendimmarrje për pafajësi se s’mund të ketë dënim për denoncim publik.
Unë detyrën time si politikan e kam bërë dhe madje kam arritur që nëpërmjet denoncimit të largoj një person të dënuar me vendim të formës së prerë për të kryer dënimin” dekalaroi Salianji pas shtyrjes së seancës herën e fundit.
Njoftimi:
Sot ne date 19.12.2022, ora 13:00, ne Gjykaten e Apelit Tirane, eshte planifikuar per tu gjykuar ceshtja penale me te pandehur Ervin Salianji, etj.
Per arsye te mosformimit te trupit gjykues, gjykimi i ceshtjes nuk do te mund te vijoje.
