Problemet me legalizimet e pronave dhe me dokumentacionin e pronësisë, janë çdo ditë prezente në Shqipëri dhe ditë pas dite, po kthehet në një nga plagët më të mëdha.
Nga dita e sotme, të gjithë banorëve të cilëve u ka dalë emri për të marrë certifikatën e pronësisë, nuk duhet të paraqiten më në zyrat e Kadastrës, por të aplikojnë “online” për të tërhequr dokumentin e tyre.
Nga qyteti i Lushnjës, kreu i Kadastrës Artan Lame, i bëri thirrje banorëve që të mos paraqiten në drejtori për të marrë dokumentin e tyre, pasi tashmë mund të merret “online”, ose do ju shkojë me postë në shtëpi. Këtë mesazh, Artan Lame e dha nga fshati Plug në Lushnje, aty ku shpërndau disa certifikata pronësie.
“Banorët nuk kanë nevojë të vijnë në drejtori për të marrë certifikatën. Aplikimi behet online dhe certifikata dërgohet online ose në adresë të banorit ose nga Adisa. Në zyrat e kadastrës nuk kanë pse vijnë më banorët, certifikata i shkon në shtëpi.
Janë mbi 3 mijë pasuri në fshatin Plug, një zonë kadastrale me histori në këtë zonë Këtu janë listat me emrat e banorëve, do të jenë të afishuara në zyrat e drejtorisë, tek ADISA, dhe online ne sitin e kadastrës dhe në njësinë administrove. Çdo banor që shikon emrin të aplikojë për të marrë certifikatën e pronësisë”, tha Lame.
